കാസർഗോഡ് : വീട്ടിൽ ഉറങ്ങിക്കിടക്കുകയായിരുന്ന പതിനാറുകാരിയെ പീഡിപ്പിച്ചെന്ന പരാതിയിൽ യുവതിക്കെതിരേ പോക്സോ കേസ്.പുളിപ്പറമ്പ് സ്വദേശി സ്നേഹ മെർലിനെ (25)തിരെയാണ് കേസ്.പീഡനത്തിനിരയായ പെൺകുട്ടിയുടെ മാതാവിന്റെ സുഹൃത്താണ് സ്നേഹ മെർലിൻ. ഇവരുടെ വീട്ടിലെത്തിയ സമയത്താണ് പ്രതി പെൺകുട്ടിയെ പീഡിപ്പിച്ചത്.
സ്കൂളിൽ കുട്ടിയെ കൗൺസിലിങ്ങിന് വിധേയമാക്കിയപ്പോഴാണ് സംഭവം പുറത്തറിയുന്നത്. തുടർന്ന് പൊലീസ് പോക്സോ വകുപ്പ് പ്രകാരം കേസെടുത്തു.തളിപ്പറമ്പ് സ്വദേശിനിയായ സ്നേഹ മെർലിൻ നേരത്തേയും പോക്സോ കേസുകളിൽ അറസ്റ്റിലായിട്ടുണ്ട്.12 വയസ്സുകാരിയെയും 14-കാരനെയും ലൈംഗികമായി പീഡിപ്പിച്ച കേസിലും സ്നേഹ മെർലിൻ പ്രതിയായിരുന്നു. തളിപ്പറമ്പിലെ സിപിഐ നേതാവിനെ മർദിച്ച കേസിലെ പ്രതിയുമാണ് മെർലിൻ.
