ശ്രീവല്ലഭപുരി സത്രസ്മൃതി ശ്രീമദ് ഭാഗവതയജ്ഞം: യജ്ഞവേദിപ്പന്തൽ കാൽനാട്ടുകർമം

തിരുവല്ല: ശ്രീവല്ലഭപുരി ഗോവിന്ദൻകുളങ്ങര ദേവീക്ഷേത്രത്തിൽ  ഡിസംബറിൽ നടക്കുന്ന സത്രസ്മൃതി ശ്രീമദ് ഭാഗവതയജ്ഞത്തിൻ്റെ പന്തൽകാൽനാട്ടുകർമം യജ്ഞനിർവഹണസമിതി ചെയർമാൻ ആർ ജയകുമാർ നിർവഹിച്ചു. ക്ഷേത്രഭരണസമിതി പ്രസിഡൻ്റ്  ആർ പി ശ്രീകുമാർ ശ്രീപദ്മത്തിൻ്റെ അധ്യക്ഷതയിൽക്കൂടിയ യോഗത്തിൽ  ക്ഷേത്രത്തിൻ്റെ കന്നിമൂലയിൽ മേൽശാന്തി  ശങ്കരൻ നമ്പൂതിരി കുളങ്ങരമഠം ഭൂമിപൂജ നടത്തി.

സപ്താഹയജ്ഞസമിതി ജനറൽ കൺവീനർ ശ്രീകുമാർ ചെമ്പോലിൽ, വൈസ് ചെയർമാൻ ഗണേശ് കാർത്തിക, കൺവീനർ കൃഷ്ണകുമാർ പാട്ടത്തിൽ, ജോ. കൺവീനർ ഗോപകുമാർ, ക്ഷേത്രം വൈസ്പ്രസിഡൻ്റ് രാധാകൃഷ്ണൻ വേണാട്ടു്, സെക്രട്ടറി വി ശ്രീകുമാർ കൊങ്ങരേട്ടു്, ജോയിന്റ് സെക്രട്ടറി വിനോദ് കുമാർ,ട്രഷറർ ജിതിഷ്‌കുമാർ സൗപർണിക, കമ്മറ്റിഅംഗങ്ങളായ ഗണേഷ് രാഗവില്ല,രാജശേഖരൻ മാരാമുറ്റം, ജയകുമാർ കുന്നുവിലാസം എന്നിവർ പ്രസംഗിച്ചു.

ശ്രീദേവി വനിതാസമാജം പ്രസിഡന്റ്‌ ഷർമിള,യജ്ഞമാതൃസമിതി കൺവീനർ വസന്ത രാജൻ, ലൈറ്റ് ആൻഡ് സൗണ്ട്/പന്തൽ കമ്മറ്റി ചെയർമാൻ രാജഗോപാൽ കളത്തറ, കൺവീനർ ഹരികുമാർ മുതലായവർ പങ്കെടുത്തു. ഡിസംബർ 18 മുതൽ 25 വരെയാണ് ശ്രീമദ് ഭാഗവതസപ്താഹയജ്ഞം നടക്കുക.