തിരുവല്ല : തിരുവല്ല താലൂക്കിൻ്റെ വിവിധ പ്രദേശങ്ങളിൽ ഉണ്ടായ ശക്തമായ കാറ്റിലും മഴയിലും വ്യാപക നാശനഷ്ടം. ഇന്ന് വൈകിട്ട് 5.45 ന് ഉണ്ടായ കാറ്റിലും മഴയിലും പലയിടങ്ങളിൽ മരക്കൊമ്പ് ഒടിഞ്ഞ് വീണ് നാശനഷ്ടം ഉണ്ടായി. മിക്കയിടങ്ങളിലും മരക്കൊമ്പ് വീണ് വൈദ്യൂതി ലൈനുകൾ തകരാറിലായി.
അമ്പലപ്പുഴ – തിരുവല്ല സംസ്ഥാന പാതയിൽ വാളകത്തിൽ പാലത്തിന് സമീപം ബദാം മരം റോഡിലേക്ക് വീണ് ഗതാഗതം തടസപ്പെട്ടു. ഒരു മണിക്കുറോളം ഗതാഗതം തടസ്സപ്പെട്ടു. ഫയർഫോഴ്സ്, കെ എസ് ഇ ബി, ഗ്രാമ പഞ്ചായത്ത് ജനപ്രതിനിധികൾ എന്നിവർ ചേർന്ന് മരം മുറിച്ച് മാറ്റി ഗതാഗതം പുനഃസ്ഥാപിച്ചു.
കാവുംഭാഗം – ഇടിഞ്ഞില്ലം റോഡിൽ ചേരീപറമ്പിൽ സമീപം പുളിമരം വൈദ്യുതി ലൈനും കേബിളിലും ഇടയിലേക്ക് വീണു. ബോർഡ് അധികൃതർ എത്തി മുറിച്ച് നീക്കി. തുകലശ്ശേരി യോഗക്ഷേമ സ്ക്കൂളിന് സമീപവും മരം ഒടിഞ്ഞു വീണു.
