പത്തനംതിട്ട: ജില്ലാ സുബ്രതോ മുഖർജി ഫുട്ബോൾ ടൂർണമെന്റിൽ പെരിങ്ങര പി.എം. വി. എച്ച്.എസ് ജൂനിയർ ടീം ജേതാക്കളായി. ഫൈനൽ മത്സരത്തിൽ കുറിയന്നൂർ മാർത്തോമ ഹയർ സെക്കൻഡറി സ്കൂളിനെ എതിരില്ലാത്ത 4-0 എന്ന സ്കോറിന് പരാജയപ്പെടുത്തിയാണ് കിരീടം കരസ്ഥമാക്കിയത്.
ഇതോടെ ഈ മാസം 22ന് തൃശൂരിൽ നടക്കുന്ന സംസ്ഥാന സുബ്രതോ കപ്പ് ഫുട്ബോൾ ചാമ്പ്യൻഷിപ്പിൽ പങ്കെടുക്കാനുള്ള യോഗ്യതയും തിരുവല്ല പ്രിൻസ് മാർത്താണ്ഡവർമ്മ സ്കൂൾ സ്വന്തമാക്കി.
