മലപ്പുറം : നിലമ്പൂർ ഉപതിരഞ്ഞെടുപ്പിൽ യുഡിഎഫ് സഹകരിപ്പിച്ചില്ലെങ്കില്‍ തൃണമൂല്‍ കോൺഗ്രസ്സ് സ്ഥാനാര്‍ഥി മത്സരിക്കുമെന്ന് പി വി അൻവർ . കാല് പിടിക്കുമ്പോൾ മുഖത്ത് ചവിട്ടുകയാണ് യുഡിഎഫ് എന്നും പി വി അൻവർ ആരോപിച്ചു. ഷൗക്കത്തുമായി വ്യക്തിപരമായ അഭിപ്രായ വ്യത്യാസമുണ്ട്. എന്നാല്‍ പിണറായി സര്‍ക്കാരിനെ താഴെയിറക്കുക എന്ന ഇപ്പോള്‍ ഏറ്റെടുത്തിട്ടുള്ള ലക്ഷ്യത്തിന് അത് തടസ്സമല്ല .
പാലക്കാട് ഉപതിരഞ്ഞെടുപ്പിൽ സ്ഥാനാർഥിയെ പിൻവലിച്ച് പിന്തുണ നൽകിയിട്ടും യുഡിഎഫിന്റെ ഭാഗത്തുനിന്ന് ഒരു നന്ദിപോലും പറഞ്ഞില്ലെന്നും ഇനി കാലു പിടിക്കാനില്ലെന്നും അൻവർ പറഞ്ഞു .നിലമ്പൂര്‍ ഉപതെരഞ്ഞെടുപ്പില്‍ യുഡിഎഫുമായി സഹകരിക്കണമോയെന്ന വിഷയത്തിൽ പി വി അന്‍വറിന് തീരുമാനം എടുക്കാമെന്ന് പ്രതിപക്ഷ നേതാവ് വി ഡി സതീശന്‍ ഇന്നലെ പറഞ്ഞിരുന്നു.ഇതിനു മറുപടിയായിയാണ് പത്രസമ്മേളനത്തിൽ പി വി അൻവർ ഇക്കാര്യങ്ങൾ പറഞ്ഞത്
