കൊച്ചി : പശ്ചിമേഷ്യൻ സംഘർഷത്തിനിടെ കൊച്ചി തുറമുഖത്ത് നങ്കുരമിട്ടിരിക്കുന്ന ഇറാൻ കപ്പൽ ഐആർഐഎസ് ലാവന്റെ ദൃശ്യം പകർത്തിയ രണ്ട് മാധ്യമപ്രവർത്തകർ അറസ്റ്റിൽ.റിപ്പബ്ലിക് ടി വി റിപ്പോർട്ടർ ശങ്കർ, ക്യാമറ പേഴ്സൺ മണി എന്നിവരാണ് അറസ്റ്റിലായത്.ബോട്ടിന്റെ ഡ്രൈവർ പി.വിജയകുമാറും അറസ്റ്റിലായി.
കൊച്ചിയിൽ കപ്പൽ നങ്കൂരമിട്ടിരിക്കുന്ന സ്ഥലത്തേക്ക് ദൃശ്യങ്ങള് പകര്ത്താനായി സ്പീഡ് ബോട്ട് എടുത്താണ് ഇവര് പോയത്. തുറമുഖത്തിന്റെ സുരക്ഷാ ചുമതലയുണ്ടായിരുന്ന സിഐഎസ്എഫ് കസ്റ്റഡിയിലെടുത്ത മാധ്യമ പ്രവർത്തകരെ പിന്നീട് ഹാർബർ പോലീസിന് കൈമാറി .ഇവര്ക്കെതിരെ എഫ്ഐആര് രജിസ്റ്റര് ചെയ്തു. ദേശീയ സുരക്ഷയെ ബാധിക്കുന്ന കാര്യമായതിനാൽ കപ്പലിന്റെ ദൃശ്യങ്ങള് പകര്ത്തരുതെന്നും അഥവാ പകര്ത്തിയെങ്കിൽ അത് നീക്കം ചെയ്യണമെന്നും കൊച്ചി പൊലീസ് മുന്നറിയിപ്പ് നൽകി.
