ആലപ്പുഴ: സ്ക്കൂൾ തുറക്കുന്നതിന് മുന്നോടിയായി ചേർത്തല എക്സൈസ് അരൂർ ഭാഗത്ത് നടത്തിയ പരിശോധനയിൽ കഞ്ചാവ് മിഠായിയുമായി രണ്ടു യു.പി.സ്വദേശികളെ അറസ്റ്റ് ചെയ്തു. സ്ക്കൂൾ കുട്ടികളെ ലക്ഷ്യം വച്ച് വില്പനക്കായി സൂക്ഷിച്ചു വച്ച 2000 ത്തിൽ അധികം കഞ്ചാവ് മിഠായികളും കഞ്ചാവും 10 കിലോയോളം ഹാൻസ് ഉൾപ്പെടെയുള്ള നിരോധിത പുകയില ഉൽപ്പന്നങ്ങളുമായി ഉത്തർ പ്രദേശ് സ്വദേശികളെ പിടികൂടിയത്.
ശാന്ത് രവീന്ദ്രദാസ് നഗർ ജില്ലയിൽ ബദോഹി താലൂക്കിൽ സായർ വില്ലേജിൽ രാഹുൽ സരോജ്, ബന്ധുവും സുഹൃത്ത് മായ സന്തോഷ് കുമാർ എന്നിവരെ അറസ്റ്റ് ചെയ്തു കേസെടുത്തു. ചേർത്തല എക്സൈസ് സർക്കിൾ ഇൻസ്പെക്ടർ റ്റി പി സജീവ്കുമാർ പ്രിവൻ്റീവ് ഓഫീസർ പി റ്റി ഷാജി പ്രിവൻ്റീവ് ഓഫീസർ ഗ്രേഡ് അനിലാൽ പി, സി ഇ ഒ മാരായ സാജൻ ജോസഫ്, മോബി വർഗീസ്, മഹേഷ് കെ യു ഡ്രൈവർ രജിത് കുമാർ എന്നിവർ പങ്കെടുത്തു.
ചേർത്തല താലൂക്കിലെ അനധികൃത മദ്യത്തിനും മയക്കുമരുന്നിനുമെതിരെയുള്ള വിവരങ്ങൾ 940 006 9483, 0478 – 2813 126 എന്നീ നമ്പരുകളിൽ നൽകാവുന്നതാണ്. വിവരങ്ങൾ അതീവ രഹസ്യമായി സൂക്ഷിക്കുന്നതാണെന്ന് എക്സൈസ് വിഭാഗം അറിയിച്ചു.
