ദീപക്കിന്റെ ആത്മഹത്യ : പ്രതി ഷിംജിത മുസ്തഫയ്ക്ക് ജാമ്യം

കോഴിക്കോട് : സമൂഹമാധ്യമങ്ങളിൽ വിഡിയോ പ്രചരിപ്പിച്ചതിൽ മനംനൊന്ത് ആത്‍മഹത്യ ചെയ്ത ഗോവിന്ദപുരം സ്വദേശി യു. ദീപക്കിന്റെ മരണവുമായി ബന്ധപ്പെട്ട കേസിലെ പ്രതി ഷിംജിത മുസ്തഫയ്ക്ക് ജാമ്യം. കോഴിക്കോട് പ്രിൻസിപ്പൽ സെഷൻസ് കോടതിയാണ്  ജാമ്യം അനുവദിച്ചത്. കുന്നമംഗലം മജിസ്ട്രേറ്റ് കോടതി ജാമ്യാപേക്ഷ തള്ളിയതിനെത്തുടർന്നാണ് ഷിംജിത കോഴിക്കോട് പ്രിൻസിപ്പൽ സെഷൻസ്‌ കോടതിയെ സമീപിച്ചത്.അമ്പതിനായിരം രൂപയുടെ രണ്ട് ആൾ ജാമ്യത്തിലാണ് പ്രതിക്ക് കോടതി ജാമ്യം അനുവദിച്ചത്. കേസിൽ അറസ്റ്റ് ചെയ്യപ്പെട്ട് 21 ദിവസമായി റിമാൻഡിലായിരുന്നു ഷിംജിത.