അയിരൂർ: കൈക്കൂലി വാങ്ങുന്നതിനിടെ അയിരൂർ ഗ്രാമപഞ്ചായത്ത് ഹെഡ് ക്ലാർക്ക് വിജിലൻസിന്റെ പിടിയിലായി. പത്തനംതിട്ട കുമ്പഴ സ്വദേശിയായ താജുദീൻ (47) ആണ് വിജിലൻസ് ടീമിന്റെ അറസ്റ്റിലായത്. ഇന്ന് വൈകീട്ട് 5:15-ഓടെ അയിരൂർ ജില്ലാ ആയുർവേദ ആശുപത്രിക്ക് മുന്നിൽ വെച്ചായിരുന്നു അറസ്റ്റ്.
തടിയൂർ ജംഗ്ഷനിൽ മത്സ്യക്കച്ചവടം നടത്തുന്നതിന് ലൈസൻസ് നൽകുന്നതിനായി വ്യാപാരിയോട് 8,000 രൂപ ഇയാൾ കൈക്കൂലിയായി ആവശ്യപ്പെടുകയായിരുന്നു. മുൻപും നിരവധി അഴിമതി ആരോപണങ്ങളെ തുടർന്ന് അച്ചടക്ക നടപടികൾ നേരിട്ടിട്ടുള്ള വ്യക്തിയാണ് താജുദീൻ. ഇയാളെക്കുറിച്ച് വിജിലൻസിന് പരാതി ലഭിച്ചതിനെ തുടർന്ന് കൃത്യമായ ആസൂത്രണത്തോടെയാണ് വിജിലൻസ് സംഘം പിടികൂടിയത്.
താജുദീനെതിരെ ദിവസേന നിരവധിയായ പരാതികളാണ് ലഭിച്ചിരുന്നതെന്ന് ഗ്രാമപഞ്ചായത്ത് അധികൃതർ വ്യക്തമാക്കി. അറസ്റ്റിലായ പ്രതിയെ തുടർന്നുള്ള നിയമനടപടികൾക്കായി വിജിലൻസ് കോടതിയിൽ ഹാജരാക്കും.
){kind=link}