തിരുവനന്തപുരം കോർപറേഷനിൽ അവിശ്വാസ പ്രമേയനീക്കത്തിൽ നിന്ന് യുഡിഎഫ് പിന്മാറി

തിരുവനന്തപുരം : തിരുവനന്തപുരം കോർപറേഷനിൽ അവിശ്വാസ പ്രമേയ നീക്കത്തിൽ നിന്ന് യുഡിഎഫ് പിന്മാറി.യു ഡി എഫ്. പ്രതിപക്ഷ നേതാവ് കെ എസ് ശബരിനാഥൻ നടത്തിയ അവിശ്വാസ നീക്കത്തിന് സി പി എമ്മും എൽ ഡി എഫും പിന്തുണ നൽകില്ലെന്ന് ഉറപ്പായതോടെയാണ് യുഡിഎഫ് പിന്മാറിയത്. പകരം ഭരണസ്തംഭനം ആരോപിച്ച് യു.ഡി.എഫ് കോർപ്പറേഷനിലേക്ക് മാർച്ച് നടത്തും. അതേസമയം, അവിശ്വാസ പ്രമേയം കൊണ്ടുവന്നാൽ നേരിടാൻ ഭരണസമിതി പൂർണ സജ്ജമാണെന്ന് മേയർ വി.വി. രാജേഷ് വ്യക്തമാക്കി.