വാഷിംഗ്‌ടൺ : എച്ച്1ബി വീസയില്‍ യു.എസില്‍ എത്തിയ വിദേശികളുടെ ആശ്രിതര്‍ക്ക് നല്‍കി വരുന്ന തൊഴിലനുമതി റദ്ദാക്കാന്‍ ഡൊണാള്‍ഡ് ട്രംപ് ഭരണകൂടം. എച്ച്1ബി വീസക്കാരുടെ ആശ്രിതരായ എച്ച്4 വീസക്കാർക്ക് നിയമപരമായി ജോലി ചെയ്യാനുള്ള എംപ്ലോയ്‌മെന്റ് ഓതറൈസേഷൻ ഡോക്യുമെന്റ് ഇനി അനുവദിക്കേണ്ടതില്ലെന്നാണ് ഹോംലാന്‍ഡ് സെക്യൂരിറ്റി വകുപ്പിന്റെ തീരുമാനം.
ഇതുസംബന്ധിച്ച കരട് നിര്‍ദേശം ഓഫീസ് ഓഫ് ഇന്‍ഫര്‍മേഷന്‍ ആന്‍ഡ് റെഗുലേറ്ററി അഫയേഴ്സിന്റെ വെബ്സൈറ്റില്‍ പ്രസിദ്ധീകരിച്ചിട്ടുണ്ട്. എച്ച്1ബി വീസക്കാരുടെ പങ്കാളികൾക്കും 21 വയസ്സിൽ താഴെയുള്ള മക്കൾക്കുമാണ് എച്ച്4 ആശ്രിതവീസ അനുവദിക്കുന്നത് .എച്ച്1ബി വീസ ഫീസ് 1,03,265 ഡോളറായി കുത്തനെ ഉയര്‍ത്താനുള്ള നിര്‍ദ്ദേശം യു.എസ് ഡിപ്പാര്‍ട്ട്മെന്റ് ഓഫ് ഹോംലാന്‍ഡ് സെക്യൂരിറ്റി പുറപ്പെടുവിച്ചിരുന്നു
