കൊച്ചി : കാരയ്ക്കൽ -എറണാകുളം എകസ്പ്രസിലെ കോച്ചിനുള്ളിൽ യുവതിയെ മരിച്ച നിലയിൽ കണ്ടെത്തി. തമിഴ്നാട് നാഗപട്ടണം സ്വദേശിനിയായ ഇസൈവാണി (40) എന്ന യുവതിയാണ് മരിച്ചത് .ട്രെയിൻ സൗത്ത് റെയിൽവേ സ്റ്റേഷനിലെത്തിയപ്പോളാണ് സഹയാത്രികർ യുവതിയെ അബോധാവസ്ഥയിൽ കണ്ടെത്തിയത് .റെയിൽവേ പോലീസെത്തി ജനറൽ ആശുപത്രിയിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു.
സംഭവത്തെത്തുടർന്ന് ഒരു മണിക്കൂറോളം വൈകിയാണ് ട്രെയിൻ യാത്ര പുറപ്പെട്ടത്. ഇതോടെ രാവിലെ സർവീസ് നടത്തുന്ന പല ട്രെയിനുകളും വൈകി.
