മല്ലപ്പള്ളി: മണിമലയാറ്റിൽ കുളിക്കാനിറങ്ങിയ യുവാവ് കാൽവഴുതി വെള്ളത്തിൽ വീണ് മുങ്ങിമരിച്ചു. വായ്പൂര് പുത്തൻപുരയ്ക്കൽ അനിൽകുമാറിന്റെയും രാജിയുടെയും മകൻ അഖിൽ (29) ആണ് മരിച്ചത്. ശനിയാഴ്ച രാത്രി എട്ടരയോടെ വായ്പൂര് അപ്പക്കോട്ട് കടവിൽനിന്നാണ് അഖിലിനെ കാണാതായത്.
തുടർന്ന് നടത്തിയ തിരച്ചിലിനൊടുവിൽ ഇന്ന് ഉച്ചകഴിഞ്ഞ് മൂന്നുമണിയോടെ മുരണി കാവനാൽ കടവ് പാലത്തിന് സമീപത്തുനിന്ന് മൃതദേഹം കണ്ടെത്തുകയായിരുന്നു.
സംഭവത്തിൽ പെരുമ്പെട്ടി പൊലീസ് മേൽനടപടികൾ സ്വീകരിച്ചു. പോസ്റ്റ്മോർട്ടത്തിനുശേഷം തിങ്കളാഴ്ച ഉച്ചകഴിഞ്ഞ് 2.30ന് വീട്ടുവളപ്പിൽ സംസ്കാരം നടക്കും
