ന്യൂഡൽഹി : പാകിസ്ഥാന് വേണ്ടി ചാരവൃത്തി നടത്തിയ യൂട്യൂബർ അറസ്റ്റിൽ. പഞ്ചാബ് സ്വദേശിയും ‘ജാന്‍മഹല്‍ വീഡിയോ’ എന്ന യൂട്യൂബ് ചാനലിന്റെ ഉടമയുമായ ജസ്ബീര്‍ സിങ്ങിനെയാണ് പഞ്ചാബ് പോലീസ് അറസ്റ്റ് ചെയ്തത്. പാകിസ്ഥാനിലെ ഇന്റർസർവീസസ് ഇന്റലിജൻസിലെ മുതിർന്ന ഉദ്യോഗസ്ഥനായ ഷാക്കിറുമായി ഇയാൾക്ക് ബന്ധമുണ്ടെന്ന് കണ്ടെത്തിയിരുന്നു .
ഇയാള്‍ മൂന്നുതവണ പാകിസ്താന്‍ സന്ദര്‍ശിച്ചിരുന്നു .ഡല്‍ഹിയിലെ പാക് എംബസിയില്‍ നടന്ന ദേശീയ ദിന പരിപാടിയിലും ഇയാൾ പങ്കെടുത്തിരുന്നു. ചാരവൃത്തികേസിൽ അറസ്റ്റിലായ ജ്യോതി മൽഹോത്രയുമായി അടുപ്പം പുലര്‍ത്തിയിരുന്ന പാക് ചാരന്മാരുമായി ഇയാൾക്ക് ബന്ധമുണ്ടെന്നും അന്വേഷണ ഉദ്യോഗസ്ഥര്‍ പറഞ്ഞു.
