കൊച്ചി : നെടുമ്പാശേരിയിൽ ആഡംബര കാറും ബൈക്കും കൂട്ടിയിടിച്ച് 3 മരണം. തൃക്കാക്കരയിലെ ക്രാഫ്റ്റ് ഷോപ്പിൽ ജോലി ചെയ്തിരുന്ന ഇജാസ്, ഗോപിക, ദേവിക എന്നിവരാണ് മരിച്ചത്. പുലർച്ചെ രണ്ടുമണിയോടെ എയർപോർട്ട് റോഡിലാണ് അപകടം ഉണ്ടായത്.കാർ ഓടിച്ചിരുന്ന സുഹൈൽ സജീവിനെതിരെ നരഹത്യാക്കേസ് ചുമത്തി .ഓടിരക്ഷപ്പെടാൻ ശ്രമിച്ച സുഹൈലിനെ നാട്ടുകാർ പിടികൂടുകയായിരുന്നു
കൊച്ചിലെ കോളജിൽ ബികോം വിദ്യാർത്ഥിയായ സുഹൈലിനൊപ്പം മറ്റൊരു യുവാവും അപകട സമയത്ത് വാഹനത്തിലുണ്ടായിരുന്നു.എന്തുവന്നാലും വീട്ടുകാർ നോക്കുമെന്നായിരുന്നു യുവാവിന്റെ വെല്ലുവിളിയെന്ന് നാട്ടുകാർ പറയുന്നു.സുഹൈൽ സജീവ് ലഹരി ഉപയോഗിച്ചതായും സംശയമുണ്ട്.
