കാട്ടുപന്നി സ്കൂട്ടറിൽ ഇടിച്ച്  യാത്രക്കാരിക്ക് ഗുരുതര പരുക്ക്

ചിറ്റാർ : കാട്ടുപന്നി സ്കൂട്ടറിൽ ഇടിച്ച് സ്കൂട്ടർ യാത്രക്കാരിക്ക് ഗുരുതര പരുക്ക്. ചിറ്റാർ സാമൂഹിക ആരോഗ്യ കേന്ദ്രത്തിലെ നഴ്സ് പ്രിയ പ്രസാദിനാണ് പരുക്കേറ്റത്. ഇന്നലെ  രാവിലെ ജോലിയ്ക്ക് വരുമ്പോൾ ചിറ്റാർ ടൗണിന് സമീപം വച്ചായിരുന്നു അപകടം. കാട്ടുപന്നി സ്കൂട്ടറിൽ വന്നിടിക്കുകയായിരുന്നു. പ്രിയയുടെ കൈയ്ക്കും കാലിനും പരുക്കേറ്റു. വിദഗ്ധ ചികിത്സയ്ക്കായി പത്തനംതിട്ടയിലെ സ്വകാര്യ ആശുപത്രിയിലേക്ക് മാറ്റി