കോഴഞ്ചേരി : നാട്ടിൽ മോഷണം നടത്തി വന്ന യുവാവിനെ ആറന്മുള പൊലീസ് പിടികൂടി.ഇലന്തൂർ പരിയാരം സ്വദേശി സുജിത് (35) ആണ് പിടിയിലായത്. വീടുകളിൽ നിന്ന് കാർഷിക വിളകളും മോട്ടോറുകളും പൂമുഖങ്ങളിലെ കസേരകളുമാണ് ഇയാൾ മോഷ്ടിച്ചു വന്നിരുന്നത്.
പരിയാരം സ്വദേശിനിയായ വീട്ടമ്മ നൽകിയ പരാതിയിലാണ് പൊലീസ് അന്വേഷണം നടത്തി മോഷ്ടാവിനെ വലയിലാക്കിയത്. മോഷണമുതലുകൾ ഇയാൾ ഇലന്തൂരിലെ തന്നെ വിവിധ സ്ഥാപനങ്ങളിൽ വിൽപന നടത്തുകയായിരുന്നുവെന്ന് പൊലീസ് പറഞ്ഞു. മോഷണത്തിനും മോഷണവസ്തുക്കൾ വിൽപന നടത്തുന്നതിനും ഇയാൾക്ക് ആരുടെയെങ്കിലും സഹായം ലഭിച്ചിട്ടുണ്ടോയെന്നും അന്വേഷിക്കുമെന്നും പൊലീസ് അറിയിച്ചു
 ആണ് പിടിയിലായത്. വീടുകളിൽ നിന്ന്){kind=link}