റാന്നി: തോട്ടമൺകാവ് ദേവീക്ഷേത്രത്തിൽ ഒക്ടോബർ 9 മുതൽ 18 വരെ നടക്കുന്ന അംബായാഗം 2026-ന്റെ ഭാഗമായി റാന്നി ഫെഡറൽ ബാങ്ക് ഇ-കാണിക്ക സമർപ്പിച്ചു. ഇ-കാണിക്കയുടെ സമർപ്പണോദ്ഘാടനം ഫെഡറൽ ബാങ്ക് റീജണൽ ഹെഡ് വിനോദ് ബി. നിർവഹിച്ചു. ദേവസ്വം പ്രസിഡന്റ് അഡ്വ. ഷൈൻ ജി. കുറുപ്പ് അധ്യക്ഷത വഹിച്ചു.
ഫെഡറൽ ബാങ്ക് റാന്നി ശാഖാ ബ്രാഞ്ച് ഹെഡ് ടോം തോമസ്, മെർലിൻ സെബാസ്റ്റ്യൻ, അനിൽ ആർ, ശ്രീരാഗ് ആർ. പണിക്കർ, സാദിക്ക് എന്നിവരും ദേവസ്വം സെക്രട്ടറി പി. ശ്രീകുമാർ, ഖജാൻജി സി. എൻ. പ്രസാദ് എന്നിവരും പ്രസംഗിച്ചു. ഡിജിറ്റൽ സംവിധാനങ്ങൾ പ്രയോജനപ്പെടുത്തുന്നതിന്റെ ഭാഗമായാണ് ഇ-കാണിക്ക സ്ഥാപിച്ചത്. ദൂരെയുള്ള ഭക്തർക്കും എളുപ്പത്തിൽ കാണിക്ക സമർപ്പിക്കാൻ ഇതിലൂടെ അവസരം ലഭിക്കും.
