ആറന്മുള : ഭക്തിയും ആവേശവും സമന്വയിച്ച ആറന്മുള ഉതൃട്ടാതി ജലോത്സവത്തിൽ എ ബാച്ചിൽ കോയിപ്രം പള്ളിയോടവും ബി ബാച്ചിൽ കോറ്റാത്തൂർ – കൈതക്കോടി പള്ളിയോടവും മന്നം ട്രോഫി കരസ്ഥമാക്കി.
ഉച്ച കഴിഞ്ഞ് 2 ന് ആരംഭിച്ച ജല ഘോഷയാത്രയ്ക്ക് ശേഷം ആരംഭിച്ച മത്സര വള്ളംകളി പതിവിലും വൈകി 6.45 നാണ് സമാപിച്ചത്. എ ബാച്ചിൽ ഇടനാട്, ഇടപ്പാവൂർ – പേരൂർ പള്ളിയോടങ്ങൾ യഥാക്രമം രണ്ടും മൂന്നും സ്ഥാനങ്ങളും ബി ബാച്ചിൽ തോട്ടപ്പുഴശേരി, ഇടക്കുളം പള്ളിയോടങ്ങൾ രണ്ടും മൂന്നും സ്ഥാനങ്ങൾ നേടി.
എ ബാച്ച് ലൂസേഴ്സ് ഫൈനലിൽ തെക്കേമുറി പള്ളിയോടം ഒന്നാം സ്ഥാനവും ബി ബാച്ചിൽ തൈമറവുംകരയും ഒന്നാം സ്ഥാനം കരസ്ഥമാക്കി
ജല ഘോഷയാത്രയിൽ ഏറ്റവും നന്നായി പാടി തുഴഞ്ഞ പള്ളിയോടങ്ങൾക്കുള്ള സമ്മാനങ്ങൾ എ ബാച്ചിൽ പൂവത്തൂർ പടിഞ്ഞാറും ബി ബാച്ചിൽ കീക്കൊഴൂർ – വയലത്തലയും നേടി.
