ഇടുക്കി : പീരുമേട്ടിൽ സ്കൂൾ വിദ്യാർത്ഥികൾക്ക് നേരെ കാട്ടാന പാഞ്ഞടുത്തു. വിദ്യാർഥികൾ ഓടിമാറിയതോടെ വൻ അപകടം ഒഴിവായി.ഇന്നലെ വൈകീട്ട് 4.30 ഓടെയാണ് സംഭവം. നാട്ടുകാർ ബഹളം വച്ചതോടെ ആന യൂക്കാലിത്തോട്ടത്തിലേക്ക് പിൻവാങ്ങി.
പീരുമേടിനും കുട്ടിക്കാനത്തിനും ഇടയ്ക്കുള്ള മരിയഗിരി സ്കൂളിന് സമീപത്തെ ബസ് സ്റ്റോപ്പിൽ വിദ്യാർഥികൾ ബസ് കാത്തുനിൽക്കുമ്പോഴാണ് അടുത്തുള്ള തോട്ടത്തിൽനിന്ന് കാട്ടാന ഇവർക്കുനേരെ ഓടി അടുത്തത്.ആന വരുന്നത് കണ്ട കുട്ടികൾ ഓടിമാറി.ഈ സമയം റോഡിലൂടെ ധാരാളം വാഹനങ്ങളും പോകുന്നുണ്ടായിരുന്നു. നാട്ടുകാരും സ്കൂൾ അധികൃതരും ബഹളം വച്ചതോടെ ആന പിന്മാറുകയായിരുന്നു
