പത്തനംതിട്ട: കാര്യക്ഷമമായി പദ്ധതികള് തയ്യാറാക്കുന്നതിൽ താഴെത്തട്ടിലുള്ള തദ്ദേശസ്ഥാപനങ്ങൾ ശ്രദ്ധിക്കണമെന്ന് ധനകാര്യ കമ്മീഷൻ. ഇത് തദ്ദേശസ്ഥാപനങ്ങളുടെ വരുമാനം വര്ധിപ്പിക്കുന്നതിനിടയാക്കും, ക്രീയാത്മകമായ ഇടപെടലുകള് കൂടുതല് നടത്താനും വഴിയൊരുക്കും. ഗ്രാമപഞ്ചായത്തുകള്ക്കും നഗരസഭകള്ക്കുമാണ് കാര്യമായ സ്വാധീനം ചെലുത്താനാകുക എന്നും സംസ്ഥാനധനകാര്യ കമ്മിഷന് ചെയര്മാന് പ്രൊ. കെ. എന്. ഹരിലാല് വ്യക്തമാക്കി.
തദ്ദേശസ്വയംഭരണ സ്ഥാപനങ്ങള്ക്കായുള്ള ധനവിന്യാസം സംബന്ധിച്ച് ജില്ലയിലെ തദ്ദേശസ്ഥാപന പ്രതിനിധികളുമായി കലക്ടറേറ്റ് കോണ്ഫറന്സ് ഹാളില് ചേര്ന്ന യോഗത്തില് ചര്ച്ച ചെയ്യുകയായിരുന്നു അദ്ദേഹം. നിലവിലെ ധനവിന്യാസത്തെക്കുറിച്ചുള്ള അഭിപ്രായങ്ങള്, സ്വീകരിക്കാന് കഴിയുന്ന പുതിയ രീതികള്, പദ്ധതി നിര്വഹണവുമായി ബന്ധപ്പെട്ട വിഷയങ്ങള്, സംയുക്ത പദ്ധതികളുടെ സാധ്യതകള്, തനത് വരുമാനം വര്ധിപ്പിക്കുന്നതിനുള്ള മാര്ഗങ്ങള് തുടങ്ങിയ വിഷയങ്ങളില് ചര്ച്ച നടന്നു. ജില്ലാ പഞ്ചായത്ത് വൈസ് പ്രസിഡന്റും ആസൂത്രണ സമിതി ഉപാധ്യക്ഷയുമായ ബീന പ്രഭ അധ്യക്ഷയായി.
