കൊച്ചി: ഗൗഡ സാരസ്വത ബ്രാഹ്മണ സമൂഹത്തിന്റെ ആത്മീയ ഗുരുവും 20-ാമത് മഠാധിപതിയുമായിരുന്ന ശ്രീമദ് സുധീന്ദ്ര തീർത്ഥസ്വാമികളുടെ ജന്മശതാബ്ദിയാഘോഷങ്ങൾക്ക് ഇന്ന് തുടക്കം കുറിച്ചു.
കാശി ഹരിദ്വാറിൽ രാവിലെ മുതൽ മഠാധിപതി സംയമീന്ദ്ര തീർത്ഥ സ്വാമികളുടെ നേതൃത്വത്തിൽ വിവിധ ആരാധനാ ചടങ്ങുകൾ നടന്നു. വിഷ്ണു സഹസ്രനാമ പാരായണം, വ്യാസോപാസന എന്നീ ചടങ്ങുകൾ രാജ്യത്തിന്റെ വിവിധ ഭാഗങ്ങളിൽ ഗൗഢ സരസ്വതക്ഷേത്ര സന്നിധിയിൽ നടക്കുകയാണ്.
എറണാകുളത്ത് പൂർവാശ്രമ കേന്ദ്രമായ തിരുമല ദേവസ്വം പഞ്ചാബ്ജപുരേശ്വര ക്ഷേത്ര സന്നിതിയിൽ ഒരു വർഷം നീളുന്ന ആഘോഷങ്ങൾ തുടങ്ങി. രാവിലെ എട്ടു മുതൽ പൂജാരാധകളും ഉച്ചയ്ക്ക് ഒന്നിന് ഹനുമന്ത വാഹന പൂജയും വൈകീട്ട് 6.30ന് പ്രശസ്ത ഭജൻ ഗായകൻ നാഗേന്ദ്ര നായ്ക്കിന്റെ ഭജനാർച്ചനയും അരങ്ങേറും.
