റാന്നി: വെള്ളപ്പൊക്കത്തിൽ ദുരിതമനുഭവിച്ച റാന്നിയിലെയും സമീപ പഞ്ചായത്തുകളിലെയും നിർദ്ധന കുടുംബങ്ങൾക്ക് കെയർ എൻ സേഫ്, വേൾഡ് മലയാളീ കൗൺസിൽ (WMC), KL 62 വാട്സ്ആപ്പ് കൂട്ടായ്മ എന്നിവയുടെ നേതൃത്വത്തിൽ സഹായകിറ്റുകൾ വിതരണം ചെയ്തു.ഉതിമൂട്–വലിയകലുങ്ക് ഗ്രീൻ വാലി ഹോട്ടലിൽ നടന്ന ചടങ്ങിൽ റാന്നി എം എൽ എ പഴകുളം മധു ഫ്ലാഗ് ഓഫ് ചെയ്തു.
റാന്നി ഗ്രാമപഞ്ചായത്ത് പ്രസിഡന്റ് ശശികല രാജശേഖരൻ അധ്യക്ഷത വഹിച്ചു. പഴവങ്ങാടി പഞ്ചായത്ത് പ്രസിഡന്റ് പ്രമോദ് മന്ദമരുതി, മുൻ റാന്നി പഞ്ചായത്ത് പ്രസിഡന്റ് പ്രകാശ് കെ. ആർ., കെയർ എൻ സേഫ് കോ-ഓർഡിനേറ്റർ ഡോ. റോണി ഗിൽബർട്ട്, പ്രസാദ് കുഴികാല, രജിത ജസ്റ്റിൻ, വാർഡ് മെമ്പർ ദിലീപ് ഉതിമൂട്, മന്ദിരം രവീന്ദ്രൻ, WMC യൂത്ത് ഫോറം കൺവീനർ സുഭാഷ്, കെയർ എൻ സേഫ് പ്രവർത്തകർ, സാമൂഹ്യ-സാംസ്കാരിക പ്രവർത്തകർ, KL 62 കൂട്ടായ്മയിലെ സന്നദ്ധ പ്രവർത്തകർ തുടങ്ങിയവർ പങ്കെടുത്തു.
പെരുനാട്, വടശ്ശേരിക്കര, പഴവങ്ങാടി, റാന്നി, അങ്ങാടി, ചെറുകോൽ, അയിരൂർ, കോഴഞ്ചേരി, മല്ലപ്പുഴശ്ശേരി, ആറന്മുള, തോട്ടപ്പുഴശ്ശേരി, കോട്ടങ്ങൽ പഞ്ചായത്തുകളിലെ ദുരിതബാധിത കുടുംബങ്ങൾക്ക് സഹായകിറ്റുകൾ വിതരണം ചെയ്തു. രണ്ടാം വട്ടാണ് ഇവർ കിറ്റുകൾ എത്തിക്കുന്നത്.
