തിരുവനന്തപുരം : സ്വകാര്യ വ്യക്തികളുടെ സ്ഥലത്ത് അപകടകരമായി നില്ക്കുന്ന മരങ്ങൾ കാലവർഷക്കെടുതിയിൽ മറിഞ്ഞുവീണ് വ്യക്തികളുടെ ജീവനോ സ്വത്തിനോ അപകടം സംഭവിക്കാതിരിക്കാൻ മരങ്ങളുടെ ഉടമസ്ഥർ മുൻകൂട്ടി മുറിച്ചു മാറ്റി അപകട സാധ്യത ഒഴിവാക്കണമെന്ന് കെ എസ് ഇ ബി.
മരങ്ങൾ മുറിച്ചു മാറ്റാത്ത പക്ഷം ഇതിന്മേലുണ്ടാകുന്ന സകലമാന കഷ്ടനഷ്ടങ്ങൾക്കും ദുരന്തനിവാരണ നിയമം പ്രകാരം മരങ്ങളുടെ ഉടമസ്ഥർ മാത്രമായിരിക്കും ഉത്തരവാദി എന്നും അറിയിച്ചു.
റോഡുകളുടെ ഇരുവശങ്ങളിലും വൃക്ഷത്തൈകൾ, ചെടികൾ എന്നിവ നട്ടുവളർത്തുവാനോ, മറ്റു കൃഷികൾ ചെയ്യുവാനോ, ജലനിർഗ്ഗമനം തടസ്സപ്പെടുന്ന തരത്തിൽ നിർമ്മാണ പ്രവർത്തനങ്ങൾ നടത്തുവാനോ പാടുള്ളതല്ല. അത്തരത്തിലുള്ള എല്ലാ അനധികൃത പ്രവർത്തനങ്ങളും ഉടൻ തന്നെ നീക്കം ചെയ്യേണ്ടതാണെന്നും അറിയിപ്പിൽ പറയുന്നു.
