കൊച്ചി : ശബരിമല സ്വർണക്കൊള്ള കേസിൽ പ്രതിയായ ദേവസ്വം ബോർഡ് മുൻ അഡ്മിനിസ്ട്രേറ്റീവ് ഓഫിസർ മുരാരി ബാബുവിനെ ചോദ്യം ചെയ്ത് ഇ ഡി. കൊച്ചിയിലെ ഇഡി ഓഫീസിലാണ് ചോദ്യം ചെയ്യൽ നടന്നത്.ദ്വാരപാലക വിഗ്രഹം, കട്ടിളപ്പാളി എന്നിവയുമായി ബന്ധപ്പെട്ട സ്വർണ്ണത്തട്ടിപ്പ് കേസുകളിലാണ് ഇഡി മുരാരി ബാബുവിന്റെ മൊഴി രേഖപ്പെടുത്തുന്നത്.
ദ്വാരപാലക കേസിൽ രണ്ടാം പ്രതിയും കട്ടിളപ്പാളി കേസിൽ ആറാം പ്രതിയുമാണ് മുരാരി ബാബു.കേസുകളിൽ ജാമ്യം ലഭിച്ച് മുരാരി ബാബു പുറത്തിറങ്ങിയിരുന്നു.കേസിലെ മറ്റു പ്രതികളെയും ചോദ്യം ചെയ്യാനുള്ള നീക്കത്തിലാണ് ഇഡി.
