തിരുവനന്തപുരം: സെൻട്രൽ സ്റ്റേഡിയത്തിൽ സർക്കാരിന്റെ സത്യപ്രതിജ്ഞ നടക്കുന്നതിനാൽ തിങ്കൾ രാവിലെ ഏഴുമുതൽ നഗരത്തിൽ ഗതാഗത നിയന്ത്രണം. പേരൂർക്കട, ശാസ്തമംഗലം ഭാഗങ്ങളിൽനിന്ന് സ്റ്റാച്യുവഴി പോകുന്ന വാഹനങ്ങൾ വെള്ളയമ്പലം- വഴുതക്കാട് -വിമൻസ് കോളേജ് ജങ്ഷൻ– തൈക്കാട് വഴി പോകേണ്ടതാണ്.
പിഎംജിയിൽനിന്ന് സ്റ്റാച്യുവഴി പോകേണ്ടവർ എൽഎംഎസ്– മ്യൂസിയം- മാനവീയം റോഡ്–ആൽത്തറ–വഴുതക്കാട് -വിമൻസ് കോളേജ് ജങ്ഷൻ– -തൈക്കാട് വഴി പോകണം.
ഓവർബ്രിഡ്ജിൽനിന്ന് സ്റ്റാച്യുവഴി പോകേണ്ടവർ ഓവർബ്രിഡ്ജ്– തമ്പാനൂർ -മോഡൽ സ്കൂൾ–പനവിള- ബേക്കറി ഫ്ലെെഓവർവഴി പോകേണ്ടതാണ്. എംഎൽഎ/എംപിമാരുടെ വാഹനങ്ങൾ ആർബിഐ–ബേക്കറി ജങ്ഷൻ- വാൻറോസ്– -ജേക്കബ്സ് ജങ്ഷൻ– -ഗേറ്റ്-4 വഴി സെക്രട്ടറിയറ്റിനകത്ത് നിർത്തിയിടണം. ഉദ്യോഗസ്ഥർ, പൊലീസ്, മീഡിയ വാഹനങ്ങൾ സംസ്കൃത കോളേജ് ഗ്രൗണ്ട്, യൂണിവേഴ്സിറ്റി ക്യാമ്പസ്, യൂണിവേഴ്സിറ്റി കോളേജ് എന്നിവിടങ്ങളിൽ നിർത്താവുന്നതാണ്.
