തിരുവല്ല: കാവുംഭാഗം ആനന്ദേശ്വരം ക്ഷേത്രത്തിലെ ഉപദേവത പ്രതിഷ്ഠ മെയ് 27-ന് നടക്കും. ക്ഷേത്രത്തിലെ സിദ്ധിവിനായകൻ വൈദ്യശാസ്താവ് രക്തേശ്വരി എന്നീ ഉപദേവതകളുടെ പ്രതിഷ്ഠകളാണ് നടക്കുന്നത്. പരിപാടികളുടെ ഭാഗമായുള്ള ആഘോഷങ്ങൾ മെയ് 18-ന് ആരംഭിക്കും.
അമൃത സന്ധ്യയുടെ പറശിനിക്കടവിലെ മുത്തപ്പൻ വെള്ളാട്ടത്തിനും അമൃതാനന്ദമയീ മഠത്തിലെ വൈസ് ചെയർമാൻ സ്വാമി അമൃത സ്വരൂപാനന്ദപുരി നേതൃത്വം നൽകും. ശാന്താനന്ദമഠം ഋഷി ജ്ഞാന സാധനാലയത്തിലെ സ്വാമിനി ദേവീ ജ്ഞാനഭ നിഷ്ടഠ മുഖ്യ ആചാര്യയായി സർവൈശ്വര്യ പൂജ നടക്കും.
ഗുരുവായൂർ ശ്രീമദ് ഭാഗവത സത്രസമിതി വൈസ് പ്രസിഡന്റ് ആചാര്യൻ എസ് നാരായണ സ്വാമി നേതൃത്വം നൽകുന്ന നാരായണീയ സംഗമം നടക്കും. ഏറ്റുമാനൂരപ്പൻ കോളേജിലെ അസോസിയേറ്റ് പ്രഫ.സരിത അയ്യർ പ്രഭാഷണം നടത്തും.
