എറണാകുളം : എറണാകുളം മലയിടംതുരുത്തില് പട്ടികജാതി വിഭാഗത്തില്പ്പെട്ട കുടുംബങ്ങളെ കുടിയൊഴിപ്പിക്കുന്നതിനെതിരായ പ്രതിഷേധത്തില് അമ്പതോളം പേര്ക്കെതിരെ കേസ്. സിപിഎം നേതാക്കളും മേഖലയിലെ താമസക്കാരുമായ ദളിത് കുടുംബാംഗങ്ങളും അടക്കം 50 പേർക്കെതിരെയാണ് പൊലീസ് കേസെടുത്തത് .കൃത്യനിര്വ്വഹണം തടസപ്പെടുത്തുക ,അന്യായമായ സംഘം ചേരുക തുടങ്ങിയ വകുപ്പുകൾ ചുമത്തിയാണ് തടിയിട്ടപറമ്പ് പൊലീസ് കേസെടുത്തത്.
പൊലീസ് മര്ദനത്തിന് പിന്നാലെ വിഷയത്തെ സംസ്ഥാനതലത്തില് ഉയര്ത്തിക്കൊണ്ടു വരാനാണ് സിപിഎം ശ്രമിക്കുന്നത്.ഭൂമിയുടെ ഉടമസ്ഥതയെ ചൊല്ലി അരനൂറ്റാണ്ടായി തുടരുന്ന തർക്കമാണ് . കോടതി ഉത്തരവ് നടപ്പാക്കാൻ പതിനഞ്ചാം തവണയാണ് ശ്രമം നടക്കുന്നത്. വിഷയത്തില് അഭിഭാഷക കമ്മീഷന് ഇന്ന് കോടതിയില് റിപ്പോര്ട്ട് സമര്പ്പിക്കും.
