കോട്ടയം : സ്കൂൾ ബസ് ബൈക്കിൽ തട്ടി യുവാവിന്റെ കൈയ്ക്കും കാലിനും പരിക്ക്. വൈക്കപ്രയാർ സ്വദേശി കൃഷ്ണകുമാറിന്റെ ബൈക്കാണ് അപകടത്തിൽപ്പെട്ടത്. കുറുപ്പന്തറ പുളിന്തറ വളവിൽ ചൊവ്വാഴ്ച രാവിലെ 8.30 ആയിരുന്നു അപകടം ഉണ്ടായത്.ഏറ്റുമാനൂരിൽ ജോലി സ്ഥലത്തേക്ക് പോകുന്ന വഴിക്കാണ് അപകടം.
ഒരേ ദിശയിൽ ബസ്സും ബൈക്കും സഞ്ചരിക്കുന്ന സമയത്താണ് വളവിൽ ബസ് ബൈക്കിൽ ഇടിച്ചത്. ഇടിയുടെ ആഘാതത്തിൽ ബൈക്ക് നിയന്ത്രണം തെറ്റി റോഡരികിലെ ഓടയിലേക്ക് മറിയുകയായിരുന്നു. അപകടത്തിൽ കൃഷ്ണകുമാറിന്റെ കൈയ്ക്കും കാലിനും പരിക്കേറ്റു. ഇതുവഴി കടന്ന് വന്ന വാഹന യാത്രികൾ പരിക്കേറ്റ കൃഷ്ണകുമാറിനെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചത്.
