കായംകുളം : എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശനെതിരെ നിയമനടപടി സ്വീകരിക്കാന് പാര്ട്ടിയുടെ അനുമതി തേടി മുന് എം എല് എ യു പ്രതിഭ.മകനെ മാധ്യമങ്ങളിലൂടെ അവഹേളിച്ചെന്നും ഇല്ലാത്ത കാര്യങ്ങൾ പറഞ്ഞ് അപമാനിച്ചുവെന്നും പ്രതിഭ ആരോപിക്കുന്നു.ഇത് ചൂണ്ടിക്കാട്ടി നിയമ നടപടി സ്വീകരിക്കാനാണ് പ്രതിഭ ജില്ലാ കമ്മറ്റിയില് അനുമതി തേടിയത്.പ്രതിഭയുടെ ആവശ്യത്തിന് ജില്ല നേതൃത്വം ഇതുവരെ അനുമതി നൽകിയിട്ടില്ല.
കായംകുളം നിയോജക മണ്ഡലത്തിൽ വെള്ളാപ്പള്ളി തനിക്കെതിരെ പ്രവർത്തിച്ചു എന്ന് പ്രതിഭ ആരോപിച്ചിരുന്നു .ഇതിന് മറുപടിയായി പ്രതിഭ ജയിക്കാന് അര്ഹയല്ലെന്നും മകന് കഞ്ചാവ് കച്ചവടത്തിന് പോയപ്പോള് ഓര്ക്കണമായിരുന്നെന്നും വെള്ളാപ്പള്ളി മാധ്യമങ്ങളോട് പറഞ്ഞിരുന്നു.
