പത്തനംതിട്ട: തെക്കൻ കുവൈറ്റിൽ അഹമ്മദി ഗവർണറേറ്റിലെ മംഗഫിൽ വിദേശ തൊഴിലാളികൾ തിങ്ങിപ്പാർക്കുന്ന മേഖലയിൽ ഉണ്ടായ തീപിടുത്തത്തിൽ മരിച്ചവരിൽ 2 പേർ പത്തനംതിട്ട സ്വദേശികൾ. പത്തനംതിട്ട വാഴമുട്ടം പുളിനിൽക്കുന്നതിൽ പി.വി. ശശിധരൻ (68), പന്തളം സ്വദേശി ആകാശ് (23) എന്നിവരാണ് മരിച്ചതെന്നാണ് ബന്ധുക്കൾക്ക് വിവരം ലഭിച്ചത്.
പ്രവാസി മലയാളിയുടെ ഉടമസ്ഥതയിലുള്ള എൻബിടിസി എന്ന കമ്പനിയുടെ നാലാം നമ്പർ ക്യാംപിലാണ് അഗ്നിബാധയുണ്ടായത്. ഇന്നു പുലർച്ചെ നാലരയോടെയായിരുന്നു സംഭവം.തീ പടര്‍ന്നതിനെത്തുടര്‍ന്ന് രക്ഷപ്പെടാനായി കെട്ടിടത്തില്‍നിന്ന് ചാടിയവര്‍ക്ക് ഗുരുതരപരിക്കേറ്റു. മരിച്ച 21 ഇന്ത്യക്കാരിൽ 11 പേർ മലയാളികളാണ്.
