തൃശൂർ: താൻ കേന്ദ്രമന്ത്രിസ്ഥാനം രാജിവെക്കാൻ സന്നദ്ധത അറിയിച്ചുവെന്ന രീതിയിൽ പ്രചരിക്കുന്ന വാർത്തകൾ പൂർണ്ണമായും അടിസ്ഥാനരഹിതമാണെന്ന് അറിയിച്ച് സുരേഷ് ഗോപി എം പി രംഗത്തെത്തി. മാധ്യമങ്ങളിലും സോഷ്യൽ മീഡിയയിലും സജീവമായിരുന്ന അഭ്യൂഹങ്ങൾക്ക് മറുപടിയുമായി അദ്ദേഹം നേരിട്ട് സോഷ്യൽ മീഡിയയിലൂടെയാണ് പ്രതികരിച്ചത്.
തന്റെ രാജി വാർത്തകളെ അതീവ പരിഹാസത്തോടെയാണ് സുരേഷ് ഗോപി തള്ളിക്കളഞ്ഞത്. “സുരേഷ് ഗോപി രാജി സന്നദ്ധത അറിയിച്ചു, നിങ്ങൾ അറിഞ്ഞിരുന്നോ? ഞാൻ മാത്രം അറിഞ്ഞില്ല കേട്ടോ…” എന്ന് അദ്ദേഹം ഫേസ്ബുക്കിൽ കുറിച്ചു. അടിസ്ഥാനമില്ലാത്ത ഇത്തരം വാർത്തകൾ തന്നെയോ പൊതുജനങ്ങളെയോ ബാധിക്കില്ലെന്നും അദ്ദേഹം വ്യക്തമാക്കി.
