റാന്നി: പമ്പാ നദിയിൽ ഒഴുക്കിൽപ്പെട്ട് കാണാതായ പെയിൻ്റിംഗ് തൊഴിലാളിയുടെ മൃതദേഹം കണ്ടെത്തി. തോട്ടമൺ അനിൽ ഭവനിൽ അനിൽ കുമാറിൻ്റെ (53) മൃതദേഹമാണ് ഇന്ന് ഉച്ചയ്ക്ക് ശേഷം കണ്ടെത്തിയത്. പുല്ലൂപ്രം ക്ഷേത്രക്കടവിന് സമീപത്ത് നിന്നാണ് അനിൽ കുമാറിനെ ഞായറാഴ്ച കാണാതാകുന്നത്.
വീട്ടുകാരുടെ പരാതിയിൽ പൊലീസ് അന്വേഷണവും ആരംഭിച്ചിരുന്നു. പത്തനം തിട്ടയിൽ നിന്ന് ഫയർഫോഴ്സിൻ്റെ സ്കൂബാ ടീം ആണ് മൃതദേഹം കരയ്ക്ക് എത്തിച്ചത്. സംസ്കാരം നാളെ നടക്കും. ഭാര്യ: മീന. മകൻ: അരുൺ കുമാർ (ടെക്നോപാർക്ക്, തിരുവന്തപുരം)





