കൊച്ചി : ബ്രഡിനുള്ളിൽ നിന്ന് ചത്ത പല്ലികളെ കണ്ടെത്തിയ സംഭവത്തിൽ ബേക്കറി ഉടമയ്ക്ക് 25,000 രൂപ പിഴയിട്ട് കൊച്ചി കോർപ്പറേഷൻ .ഇടക്കൊച്ചി പാമ്പായ്മൂലയിലെ ന്യൂ ക്വാളിറ്റി ബേക്കറിയിൽ നിന്ന് വാങ്ങിയ ബ്രഡിനുള്ളിലാണ് ചത്ത പല്ലികളുടെ അവശിഷ്ടങ്ങൾ കണ്ടെത്തിയത്. സംഭവത്തിൽ ഉപഭോക്താവ് അധികൃതർക്ക് പരാതി നൽകുകയായിരുന്നു.
വൃത്തിഹീനമായ സാഹചര്യത്തിലാണ് ബേക്കറിയുടെ പാചകപ്പുര പ്രവർത്തിച്ചിരുന്നതെന്നു പരിശോധനയ്ക്കെത്തിയ ഉദ്യോഗസ്ഥർ പറഞ്ഞു. തുടർന്നാണ് ബേക്കറി ഉടമയ്ക്ക് പിഴ ചുമത്തിയത്.
