കോട്ടയം:ഭാര്യയുടെ കാമുകനെന്ന് സംശയിച്ച് യുവാവ് ബന്ധുവിനെ കൊലപ്പെടുത്തി.കോട്ടയം വടവാതൂരിലാണ് സംഭവം.വണ്ടിപ്പെരിയാര്‍ സ്വദേശിയായ അജീഷ് ആണ് ബന്ധുവായ വടവാതൂർ സ്വദേശി രഞ്ജിത്തിനെ(40) കൊലപ്പെടുത്തിയത്. രഞ്ജിത്തിനൊപ്പമുണ്ടായിരുന്ന സുഹൃത്ത് റിജോയ്ക്ക് പരുക്കേറ്റു.ഇന്നലെ രാത്രിയാണ് സംഭവം .പ്രതി അജീഷ് സ്ഥലത്തുനിന്നും രക്ഷപെട്ടു.
വടവാതൂര്‍ കവലയില്‍ രഞ്ജിത്തും സുഹൃത്തായ റിജോയും ജോലികഴിഞ്ഞ് ബസില്‍ വന്നിറങ്ങിയതായിരുന്നു .ഭാര്യയുടെ പിന്നാലെ നടക്കുകയാണെന്ന് ആരോപിച്ച്‌ വഴിയിൽ പതിയിരുന്ന അജീഷ്, രഞ്ജിത്തിനെയും സുഹൃത്തിനെയും വാക്കത്തി കൊണ്ട് ആക്രമിക്കുകയായിരുന്നു .രഞ്ജിത്തിനെ സ്വകാര്യ ആശുപത്രിയിലും തുടർന്ന് മെഡിക്കൽ കോളജിലും എത്തിച്ചെങ്കിലും രക്ഷിക്കാനായില്ല.
