തിരുവനന്തപുരം: ഓണം സ്പെഷ്യൽ സർവീസുകളിൽ കെ.എസ്.ആർ.ടി.സിക്ക് റെക്കോർഡ് നേട്ടം.ചതയദിനമായ വെള്ളിയാഴ്ച മാത്രം കോർപ്പറേഷന് എട്ടുകോടി രൂപയാണ് വരുമാനം ലഭിച്ചത്. മുൻവർഷങ്ങളെ അപേക്ഷിച്ച് ഇത്തവണ യാത്രക്കാരുടെ എണ്ണത്തിലും ഗണ്യമായ വർധനയുണ്ടായിട്ടുണ്ട്.
ഉത്രാടദിനത്തിൽ 21.45 ലക്ഷം പേർ യാത്ര ചെയ്തപ്പോൾ, ഇതിൽ 9.34 ലക്ഷം സ്ത്രീകളും പ്രിയദർശിനി സൗജന്യ യാത്രയുടെ പ്രയോജനം നേടി. തിരക്കുള്ള ദിവസങ്ങൾ മുൻകൂട്ടി കണ്ട് അധിക സർവീസുകൾ ക്രമീകരിച്ചതും, യാത്രക്കാരുടെ സൗകര്യാർത്ഥം ഫലപ്രദമായ സർവീസ് പ്ലാനിങ് നടപ്പാക്കിയതുമാണ് ഈനേട്ടത്തിന് കാരണമായത്.
