കാസർഗോഡ് : വിനോദസഞ്ചാര കേന്ദ്രമായ റാണിപുരത്ത് സിപ് ലൈൻ ഓപ്പറേറ്ററായ യുവാവ് വീണ് മരിച്ചു.ബളാന്തോട് ചാമുണ്ഡിക്കുന്ന് വാതിൽമാടിയിലെ കൃഷ്ണന്റെ മകൻ സനൂപ് (25) ആണു മരിച്ചത്.ശനിയാഴ്ച വൈകുന്നേരം അഞ്ചുമണിയോടെയാണ് അപകടം.
സിപ് ലൈനിൽ സഞ്ചരിക്കാനെത്തിയ യുവതി സ്റ്റാർട്ടിംഗ് പോയിന്റിൽ നിന്ന് മുന്നോട്ട് നീങ്ങിയ നിമിഷത്തിൽ അബദ്ധത്തിൽ സനൂപിന്റെ കൈയിൽ ശക്തമായി പിടിക്കുകയായിരുന്നു. ഇതോടെ യുവതിക്കൊപ്പം സനൂപും സിപ് ലൈനിൽ തൂങ്ങി പിടിവിട്ട് വലിയ താഴ്ചയിലേക്ക് പതിച്ചു.കഴിഞ്ഞ ദിവസമാണ് സനൂപ് ജോലിയിൽ പ്രവേശിച്ചത്.
