നിലമ്പൂർ – ഷൊർണൂർ പാസഞ്ചറിൽ വനിതാ ഡോക്‌ടറെ പാമ്പ് കടിച്ചെന്ന് സംശയം

പാലക്കാട് :നിലമ്പൂർ – ഷൊർണൂർ പാസഞ്ചറിൽ വനിതാ ഡോക്‌ടറെ പാമ്പ് കടിച്ചെന്ന് സംശയം. ഷൊർണൂർ വിഷ്ണു ആയുർവേദ ആശുപത്രിയിലെ ഡോക്ടർ നിലമ്പൂർ പൂക്കോട്ടുപാടം സ്വദേശിനി ഗായത്രിക്കാണ് (25) കടിയേറ്റത്. ട്രെയിനിൻ്റെ ബർത്തിൽ കിടക്കുകയായിരുന്നു ഗായത്രിക്ക് കാലിലെന്തോ കടിച്ചതായി സംശയം തോന്നി.പാമ്പിനെ കണ്ടതായി യാത്രക്കാർ അറിയിച്ചതോടെ ട്രെയിൻ നിലമ്പൂർ സ്റ്റേഷനിലെത്തിയപ്പോൾ വിശദമായി പരിശോധിച്ചെങ്കിലും പാമ്പിനെ കണ്ടെത്തിയില്ല. ഗായത്രിയെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു.