ക്രൈം ബ്രാഞ്ച് ചോദ്യം ചെയ്യൽ : കോടതിയെ സമീപിക്കാൻ പിഎസ്സി

തിരുവനന്തപുരം : പരീക്ഷാ ക്രമക്കേടിൽ അംഗങ്ങൾക്കു ക്രൈംബ്രാഞ്ച് ചോദ്യം ചെയ്യൽ നോട്ടിസ് നൽകിയതിനെതിരെ കോടതിയെ സമീപിക്കാൻ പിഎസ്സി .പിഎസ്‌സി ഓഫിസിൽ എത്തിയുള്ള മൊഴിയെടുപ്പിനും അന്വേഷണത്തിനും എതിരല്ലെന്നും ക്രൈംബ്രാഞ്ച് ആസ്ഥാനത്തേക്കു പോകുന്നതു പ്രോട്ടോക്കോൾ ലംഘനമാണെന്നും കമ്മിഷൻ വിശദീകരിക്കുന്നു. അംഗങ്ങൾ കുറ്റക്കാരാണെന്ന പ്രതീതി ഉണ്ടാക്കാനുള്ള ശ്രമങ്ങൾ നടക്കുകയാണെന്നാണ് ഇന്നത്തെ കമ്മീഷൻ യോഗത്തിൽ ഉയര്‍ന്ന വിമർശനം.