തിരുവനന്തപുരം : നെയ്യാറ്റിൻകരയിൽ യുവാവിനെ മൂന്നംഗ ലഹരി സംഘം ക്രൂരമായി വെട്ടിപ്പരിക്കേൽപ്പിച്ചു.ഗുരുതരമായി പരുക്കേറ്റ കൊല്ലയിൽ നടൂർക്കൊല്ല കളത്തറയ്ക്കൽ തേരിയിൽ പുത്തൻവീട്ടിൽ പ്രദീപിനെ (30) നെയ്യാറ്റിൻകര ജനറൽ ആശുപത്രിയിൽ പ്രവേശിപ്പിച്ചു.
ഇന്നലെ പുലർച്ചെ ഒന്നരയോടെയാണ് സംഭവം. പ്രസവശേഷം തിരുവനന്തപുരത്തെ സ്വകാര്യ ആശുപത്രിയിൽ കഴിയുന്ന ഭാര്യയെയും കുഞ്ഞിനെയും കണ്ടശേഷം സുഹൃത്തിന്റെ കാറിൽ വീട്ടിലേക്ക്‌ പോകുമ്പോഴായിരുന്നു അക്രമം.അപരിചിതരായ മൂന്ന് പേർ നടുറോഡിൽ നിൽക്കുന്നത് കണ്ട് മാറാൻ ആവശ്യപ്പെട്ടതിനെത്തുടർന്നാണ് ആക്രമണം ഉണ്ടായത് .പ്രദീപിന്റെ ശരീരത്തിലുടനീളം 21 മുറിവുകളുണ്ട്.
പ്രദീപിനെ ആശുപത്രിയിലേക്കു കൊണ്ടുപോയ സമയത്ത് പ്രതികൾ കാറിന് തീയിട്ടു .കാർ പൂർണമായും കത്തിനശിച്ചു.ആക്രമണശേഷം പ്രതികൾ രക്ഷപ്പെട്ടു.
