തിരുവല്ല: ഇന്ധനവില കൂടിയതോടെ രാജ്യത്ത് നിത്യോപയോഗ സാധനങ്ങളുടെ വില കുതിച്ചുയരുകയാണന്നും സാധാരണക്കാരുടെ ജീവിത ബജറ്റ് പൂർണ്ണമായും തകിടം മറിക്കുന്നതാണന്നും കേരളാ കോൺഗ്രസ് (എം) ജില്ലാ പ്രസിഡൻ്റ് സജി അലക്സ്. ഇന്ധന വിലയിൽ പ്രതിഷേധിച്ച് കേരളാ കോൺഗ്രസ് (എം) നിയോജക മണ്ഡലം കമ്മിറ്റി ഹെഡ് പോസ്റ്റ് ഓഫീസ് പടിക്കൽ നടത്തിയ ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം.
നിയോജക മണ്ഡലം പ്രസിഡൻ്റ് സാം കുളപ്പള്ളി അദ്ധ്യക്ഷത വഹിച്ചു. ഉന്നതാധികാര സമിതിയംഗം ചെറിയാൻ പോളച്ചിറക്കൽ, ജില്ലാ വൈസ് പ്രസിഡൻ്റ് സോമൻ താമരച്ചാലിൽ, സെക്രട്ടറി ജേക്കബ് മാമ്മൻ വട്ടശ്ശേരിൽ, ട്രഷറാർ രാജീവ് വഞ്ചിപ്പാലം, നിയോജക മണ്ഡലം സെക്രട്ടറി ബിനിൽ തേക്കുംപറമ്പിൽ, കേരളാ യൂത്ത് ഫ്രണ്ട് (എം) സംസ്ഥാന വൈസ് പ്രസിഡൻ്റ് ജോജി പി. തോമസ്, സംസ്ഥാന സമിതിയംഗങ്ങളായ ജോയ് ആറ്റുമാലിൽ, പ്രസാദ് കൊച്ചുപാറക്കൽ, അഡ്വ. ജേക്കബ് ഇരണിക്കൽ, പി.കെ കുര്യൻ, റെജി കുരുവിള എന്നിവർ പ്രസംഗിച്ചു.
