സോൾ : 24 വർഷങ്ങൾക്ക് ശേഷം റഷ്യൻ പ്രസിഡന്റ് വ്ളാഡിമിർ പുടിൻ ഉത്തരകൊറിയ സന്ദർശിച്ചു .ഉത്തര കൊറിയൻ തലസ്ഥാനമായ പ്യോങ്യാങിൽ എത്തിയ പുടിൻ ഉത്തര കൊറിയൻ പ്രസിഡന്റ് കിം ജോംഗ് ഉന്നുമായി കൂടിക്കാഴ്ച നടത്തും. റഷ്യൻ പ്രതിരോധ മന്ത്രിയും ഉപപ്രധാനമന്ത്രിയും പുടിനൊപ്പമുണ്ട്. സുരക്ഷാ പ്രശ്നങ്ങൾ ഉൾപ്പെടുന്ന പങ്കാളിത്ത കരാറിൽ റഷ്യയും ഉത്തരകൊറിയയും ഒപ്പുവെച്ചേക്കും.
പുട്ടിന്റെ സന്ദർശനത്തെ ആശങ്കയോടെയാണ് പാശ്ചാത്യ ലോകം നോക്കിക്കാണുന്നത്. ഇരു രാജ്യങ്ങളും തമ്മിൽ ആയുധ കൈമാറ്റത്തിനുള്ള ചർച്ചകൾ നടത്തുവാനാണോ സന്ദർശനമെന്നാണ് പാശ്ചാത്യ ലോകത്തിന്റെ ആശങ്ക. ഉത്തരകൊറിയയുമായി ആയുധക്കരാറിൽ ഏർപ്പെടാൻ യുഎന്നിന്റെ വിലക്കുള്ളതാണ്. 2000 ജൂലൈയിലാണ് പുടിൻ ഇതിന് മുൻപ് ഉത്തര കൊറിയ സന്ദർശിച്ചത്. 2023 സെപ്റ്റംബറിൽ ഉത്തര കൊറിയൻ പ്രസിഡന്റ് കിം ജോംഗ് ഉൻ റഷ്യയിൽ സന്ദർശനം നടത്തിയിരുന്നു
