Sunday, November 22, 2026
No menu items!

subscribe-youtube-channel

HomeNewsAlappuzhaആലപ്പുഴ നഗരസഭ...

ആലപ്പുഴ നഗരസഭ ഓഫീസ് ശതാബ്ദി മന്ദിരത്തിൽ പ്രവർത്തനം ആരംഭിച്ചു

ആലപ്പുഴ : നഗരസഭ ഓഫീസ് പുതിയ ശതാബ്ദി സ്മാരക മന്ദിരത്തിൽ പ്രവർത്തനം ആരംഭിച്ചു. നഗരസഭ അധ്യക്ഷ കെ കെ ജയമ്മ പൂന്തോപ്പ് വാർഡ് സ്വദേശി ജെയിംസ് നാലുകണ്ടത്തിലിന് കെട്ടിട നികുതി രസീത് നൽകികൊണ്ട് പ്രവർത്തന ഉദ്ഘാടനം നിർവഹിച്ചു.

45,000 ചതുരശ്ര അടി വിസ്തീർണ്ണത്തിൽ അഞ്ച് നിലകളിലായാണ് പുതിയ ഓഫീസ് ഒരുക്കിയിരിക്കുന്നത്. നഗരസഭയുടെ മുഴുവൻ പ്രവർത്തനങ്ങളും ഇവിടേക്ക് മാറ്റിയിട്ടുണ്ട്. പൊതുജനങ്ങളുമായി ഏറ്റവുമധികം ബന്ധപ്പെട്ട റവന്യൂ സേവനങ്ങളായ ജനസേവ കേന്ദ്രം, ജനന, മരണ, വിവാഹ രജിസ്ട്രേഷൻ കേന്ദ്രം, റവന്യൂ സെക്ഷൻ, ക്യാഷ് കൗണ്ടർ, ക്ഷേമപെൻഷൻ ഓഫീസ്, പരാതി പരിഹാര കിയോസ്ക്, പിഎംഎവൈ ഓഫീസ് എന്നിവ താഴത്തെ നിലയിലാണുള്ളത്.

നഗരസഭ അധ്യക്ഷ, ഉപാധ്യക്ഷൻ, സ്ഥിരംസമിതി അധ്യക്ഷർ, സെക്രട്ടറി, ജനറൽ, അക്കൗണ്ട്സ്, ഓഡിറ്റ് വിഭാഗങ്ങൾ ഒന്നാം നിലയിൽ പ്രവർത്തിക്കും. രണ്ടാം നിലയിൽ മുൻസിപ്പൽ എഞ്ചിനീയർ, എഞ്ചിനീയറിങ് വിഭാഗം, ടൗൺ പ്ലാനിങ് വിഭാഗം, മിനി കോൺഫറൻസ് ഹാൾ, യോഗം ചേരുന്നതിനുള്ള മുറി, അയ്യങ്കാളി തൊഴിലുറപ്പ് ഓഫീസ് എന്നിവയാണ് സജ്ജീകരിച്ചിട്ടുള്ളത്.

മൂന്നാം നിലയിൽ കൗൺസിലർമാർ, സിഡിഎസ് ഓഫീസുകൾ, റെക്കോർഡ് മുറി, സ്റ്റോർ മുറി, അമൃത് വിഭാഗം, എൻയുഎൽഎം ഓഫീസുകളും നാലാം നിലയിൽ കൗൺസിൽ ഹാളും, ഹെൽത്ത് വിഭാഗത്തിന്റെ ഓഫീസുമാണ് പ്രവർത്തിക്കുക. മുകളിലേക്ക് കയറുന്നതിന് രണ്ട് ലിഫ്റ്റ് സംവിധാനങ്ങളാണുള്ളത്. ഭിന്നശേഷിക്കാർക്കും പ്രായമായവർക്കുമായി റാംപ് സൗകര്യവും ഒരുക്കിയിട്ടുണ്ട്. ഇവർക്ക് നഗരസഭ അധ്യക്ഷയെ സന്ദർശിക്കുന്നതിന് താഴത്തെ നിലയിൽതന്നെ സൗകര്യം ഒരുക്കും.

എല്ലാ നിലകളിലും ശുചിമുറി, വിശ്രമമുറി എന്നിവ ലഭ്യമാണ്. രണ്ട് കവാടങ്ങളിലൂടെയാണ് നഗരസഭയിലേക്കുള്ള പ്രവേശനം. വിശാലമായ പാർക്കിംഗ് സൗകര്യം, ഡ്രൈവർമാർക്കായി പ്രത്യേക മുറി എന്നിവയും ഒരുക്കിയിട്ടുണ്ട്. 2016-17 കാലയളവിലാണ് ശതാബ്ദി മന്ദിരം നിർമ്മാണം ആരംഭിച്ചത്. 15 കോടിയിലധികമാണ് നിർമ്മാണ ചെലവ്.  പഴയ നഗരസഭ കെട്ടിടം പൈതൃക അതിഥി മന്ദിരമാക്കിമാറ്റാനുള്ള നടപടികളും നഗരസഭ സ്വീകരിക്കും. 

- Advertisment -

RELATED ARTICLES
Advertisment

Desham News

- Advertisement -

ലോക്‌സഭ തിരഞ്ഞെടുപ്പിനുള്ള അന്തിമ വോട്ടര്‍ പട്ടികയായി; 6.49 ലക്ഷം വോട്ടര്‍മാര്‍ വര്‍ധിച്ചു

തിരുവനന്തപുരം: ലോക്‌സഭാ തിരഞ്ഞെടുപ്പിനുള്ള സംസ്ഥാനത്തെ അന്തിമ വോട്ടര്‍പട്ടിക തയ്യാറായി.  2,77,49,159 വോട്ടര്‍മാരാണ് ഈ അവസാന വോട്ടര്‍പട്ടികയില്‍ സംസ്ഥാനത്താകെയുള്ളതെന്ന് മുഖ്യതിരഞ്ഞെടുപ്പ് ഓഫീസര്‍ സഞ്ജയ് കൗള്‍ അറിയിച്ചു. ജനുവരി 22 ന് പ്രസിദ്ധീകരിച്ച അന്തിമ വോട്ടര്‍പട്ടികയില്‍...

മദ്യലഹരിയിൽ പെരുമ്പാമ്പിനെ കഴുത്തിലിട്ട യുവാവിനെതിരെ കേസെടുത്തു

അടൂർ : മദ്യലഹരിയിൽ പെരുമ്പാമ്പിനെ കഴുത്തിലിട്ട് ബാറിന് മുന്നിൽ അഭ്യാസം നടത്തിയ യുവാവിന് എതിരെ വനംവകുപ്പ് കേസ് എടുത്തു.പറക്കോട് സ്വദേശി ദീപുവിനെതിരെയാണ് കേസെടുത്തത്. പെരുമ്പാമ്പിനെ അശാസ്ത്രീയമായി പിടികൂടി ഉപദ്രവം ഏൽപ്പിച്ചതിനും പൊതുജനമധ്യത്തിൽ പ്രദർശിപ്പിച്ചതിനുമാണ്...
- Advertisment -

Most Popular

- Advertisement -