ചങ്ങനാശ്ശേരി: എൻഎസ്എസ് ജനറൽ സെക്രട്ടറി ജി സുകുമാരൻ നായർക്കെതിരെ നടൻ അനൂപ് ചന്ദ്രൻ ഉയർത്തിയ വിമർശനങ്ങളെ തള്ളി അനൂപിന്റെ കുടുംബം. അനൂപ് പറഞ്ഞത് അദ്ദേഹത്തിന്റെ സ്വന്തം അഭിപ്രായം മാത്രം എന്നും കുടുംബത്തിന് അത്തരം വിമർശനങ്ങളോ പരാതികളോ എൻഎസ്എസ് നേതൃത്വത്തിനെതിരെ ഇല്ല എന്നും സഹോദരൻ വിനയചന്ദ്രൻ, ഭാര്യ രാജശ്രീ എന്നിവർ പറഞ്ഞു.
അനൂപിന്റെ പരാമർശത്തിന് പിന്നാലെ എൻഎസ്എസ് സ്കൂളിലെ അധ്യാപികയായ രാജശ്രീയെ സ്ഥലം മാറ്റിയിരുന്നു. ഇതേ തുടർന്ന് എൻഎസ്എസ് ആസ്ഥാനത്ത് എത്തിയതായിരുന്നു വിനയചന്ദ്രനും ഭാര്യയും കുടുംബവും. അനൂപ് പറഞ്ഞത് അനൂപിന്റെ മാത്രം അഭിപ്രായമെന്നും തങ്ങൾ എൻഎസ്എസിന് ഒപ്പമാണെന്നും അവർ അഭിപ്രായപ്പെട്ടു.
