കോട്ടയം : തിരുനക്കര ആസാദ് ലൈനിൽ വാഹനങ്ങൾക്ക് ഗതാഗത തടസം സൃഷ്ടിച്ച് പാർക്കിങ്ങ് നടത്തുന്നതായി ആരോപണം. പ്രദേശത്ത് റോഡിലേയ്ക്കിറക്കിയാണ് കാർ പാർക്ക് ചെയ്തിരിക്കുന്നത്. നിരവധി ആംബുലൻസുകൾ അടക്കം കടന്നു പോകുന്ന റോഡിലാണ് ഇത്തരത്തിൽ അനധികൃത പാർക്കിംങ് നടത്തുന്നത്.
മിക്ക ദിവസങ്ങളിലും രാവിലെ ഈ റോഡിൽ സമാന രീതിയിൽ പാർക്ക് ചെയ്യുന്ന വാഹനം വൈകിട്ട് മാത്രമാണ് എടുത്തു മാറ്റുന്നതെന്ന് പരാതിയിൽ ഉയരുന്നു. അനധികൃത പാർക്കിംങ് മൂലം ഗതാഗതക്കുരുക്കും രൂക്ഷമാകുന്നതിൽ നടപടി വേണമെന്ന് പ്രദേശവാസികൾ ആവശ്യപ്പെട്ടു.
