ആലപ്പുഴ: അമ്പലപ്പുഴ ശ്രീകൃഷ്ണസ്വാമീത്രത്തിൽ പാൽപ്പായസത്തിന്റെ വില ലിറ്ററിന് 260 രൂപയായി വർധിപ്പിക്കാൻ തിരുവിതാംകൂർ ദേവസ്വം ബോർഡ് തീരുമാനം. നിലവിൽ 160 രൂപയാണ്. പത്തുകൊല്ലം മുൻപാണ് നിരക്കു വർധിപ്പിച്ചത്. ദിവസവും 30 ശതമാനം പായസം ഭക്തർക്ക് ഓൺലൈനായി ബുക്കു ചെയ്യാനാകും.
പരമാവധി ഭക്തർക്ക് പായസം ലഭിക്കുന്നുണ്ടെന്ന് ഉറപ്പാക്കാൻ ഒരു യൂസർ ഐഡിയിൽനിന്ന് ഒരു ലിറ്ററും ആഴ്ചയിൽ ഒരിക്കലും മാത്രമേ ഓൺലൈൻ ബുക്കിങ് അനുവദിക്കൂ. പാൽപ്പായസത്തിന്റെ വ്യാജ ബോട്ടിലുകൾ തടയാൻ ദേവസ്വം ബോർഡിന്റെ ഹോളോഗ്രാം സ്റ്റിക്കർ പതിക്കും.
