കോഴഞ്ചേരി: അയിരൂര്‍ – ചെറുകോല്‍പ്പുഴ ഹിന്ദുമത പരിഷത്ത് ഫെബ്രുവരി 15 മുതല്‍ 22 വരെ പമ്പാനദി മണല്‍പ്പുറത്ത് നടക്കും. ഉദ്ഘാടനം 15ന് ഉച്ച തിരിഞ്ഞ് 3.30ന് സ്വാമി ആനന്ദവനം ഭാരതി നിര്‍വഹിക്കും. പ്രതിപക്ഷ നേതാവ് വി.ഡി. സതീശന്‍, മന്ത്രി റോഷി അഗസ്റ്റിന്‍ എന്നിവര്‍ മുഖ്യപ്രഭാഷണം നടത്തും.
19ന് വൈകിട്ട് 3.30ന് സാംസ്‌കാരിക സമ്മേളനം ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ ഉദ്ഘാടനം ചെയ്യും. 21ന് ഉച്ച കഴിഞ്ഞ് 3.30ന് നടക്കുന്ന വനിതാ സമ്മേളനം മന്ത്രി ആര്‍. ബിന്ദു ഉദ്ഘാടനം നിര്‍വഹിക്കും. 22ന് ഉച്ച കഴിഞ്ഞ് 3.30ന് നടക്കുന്ന സമാപന സമ്മേളനം കേന്ദ്രമന്ത്രി അര്‍ജുന്‍ റാം മേഘ്വാള്‍ ഉദ്ഘാടനം ചെയ്യും.
