കോട്ടയം : കോട്ടയം തിരുനക്കര ബസ് സ്റ്റാൻഡിൽ വീട്ടമ്മയുടെ ശരീരത്തിലൂടെ ബസ് കയറിയിറങ്ങി.കേരള സ്റ്റേറ്റ് ഹാൻഡ്ലൂം വീവേഴ്സ് കോപ്പറേറ്റീവ് സൊസൈറ്റിയിലെ ജീവനക്കാരി നട്ടാശ്ശേരി സ്വദേശിനിയായ റോസ് (70) ആണ് അപകടത്തിൽപ്പെട്ടത്. സ്റ്റാൻഡിൽ വന്നിറങ്ങിയ റോസ്, അതേ സ്വകാര്യ ബസിനു മുന്നിലൂടെ നടക്കവേയാണ് അപകടത്തിൽപ്പെട്ടത്.
ഡ്രൈവർ റോസിനെ കാണാതെ ബസ് മുന്നോട്ടെടുക്കുകയായിരുന്നു. ബസ്സിന്റെ ചക്രം റോസിന്റെ ശരീരത്തിലൂടെ കയറിയിറങ്ങി .അതീവ ഗുരുതരാവസ്ഥയിലായ റോസിനെ നിലവിൽ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
