പത്തനംതിട്ട: കോന്നി പയ്യനാമൺ, അടവിക്കുഴി ഭാഗങ്ങളിൽ മോഷണം വർധിക്കുന്നതായി പരാതി. പ്രദേശങ്ങളിലെ നിരവധി വീടുകളിൽ നിന്ന് കഴിഞ്ഞ ദിവസം കിണറുകളുടെ മോട്ടോറുകൾ മോഷ്ടാക്കൾ അപഹരിച്ചു. ആൾ താമസമില്ലാത്ത പല വീടുകളുടെയും പിൻ വാതിൽ തകർത്ത് ചെമ്പ് പാത്രങ്ങളും മറ്റും കടത്തിക്കൊണ്ടുപോകുകയും ചെയ്തു.
പ്രദേശത്തിന് പുറത്തു നിന്നുള്ളവർ പകലും രാത്രിയിലും ഇവിടങ്ങളിൽ വന്നു പോകുന്നത് ശ്രദ്ധയിൽപ്പെട്ടിട്ടുണ്ടെന്നും നാട്ടുകാർ പറഞ്ഞു. 200 ൽ ഏറെ വീടുകളിൽ നിന്നാണ് കഴിഞ്ഞ ദിവസം മോട്ടോറുകൾ മോഷണം പോയത് പൊലീസിൻ്റെ രാത്രികാല നിരീക്ഷണം ശക്തമാക്കണമെന്ന് പ്രദേശവാസികൾ ആവശ്യപ്പെട്ടു
