കൊച്ചി : യൂട്യൂബർ തൊപ്പി എന്ന മുഹമ്മദ് നിഹാദിനെതിരെ ലുക്ക് ഔട്ട് നോട്ടീസ് പുറത്തിറക്കി സൈബർ പൊലീസ്.യൂട്യൂബിൽ അശ്ലീല വീഡിയോ പങ്കുവച്ച കേസിലാണ് എറണാകുളം റൂറൽ സൈബർ പൊലീസ് നോട്ടീസ് പുറത്തിറക്കിയിരിക്കുന്നത്.നേരത്തെ തൊപ്പിയുടെ യൂട്യൂബ് ചാനൽ പൂട്ടിയിരുന്നു.
തൊപ്പി വിദേശത്തേക്ക് കടക്കാൻ സാധ്യതയുണ്ടെന്ന രഹസ്യവിവരത്തിന്റെ അടിസ്ഥാനത്തിലാണ് നടപടി. സ്ത്രീത്വത്തെ അപമാനിച്ചെന്ന പരാതിയിൽ തൊപ്പിയുടെ കൂട്ടാളിയായിരുന്ന മമ്മു എന്ന മുഹമ്മദ് മമ്മു പിടിയിലായിരുന്നു. സുഹൃത്തുക്കളുമായുണ്ടായ തർക്കത്തിന് പിന്നാലെ അവരുടെ നഗ്നദൃശ്യങ്ങൾ യൂട്യൂബ് ലൈവിലൂടെയും മറ്റ് സമൂഹമാധ്യമ അക്കൗണ്ടുകളിലൂടെയും പ്രചരിപ്പിച്ചെന്നാണ് തൊപ്പിക്കെതിരായ കേസ്.
